Ndr 90,3 - Wi Snackt Platt

Bi "Wi snackt Platt" sünd wi dütmal mit een vun de letzten Finkarder-Elvfischers in'n Hamborger Haven ünnerwegens: Stefan Meier. Dorto besöökt wi ok noch dat Fisch-Spieslokal "Zur Post" in Cranz, wo dat ok hüüt noch frischen Fisch ut de Elv to eten gifft. Moderatschoon: Gerrit Hoss

Wenn de düütsche Bunnskanzler oder ok de Butenminister in’t Utland ünnerwegens sünd, denn reist mehrstens ok en Dokter mit, de jümmers to Steed is, wenn dat de Politikers mal nich so goot geiht. De Dokters, de mitreisen doot, dat sünd ganz besünner Lüüd - un een vun jüm, dat is de Internist un Lungen-Speziaalist, man ok Musiker un Kabarettist Henning Kothe. Bi "Wi snackt Platt" vertellt he vun sien ne'en un opregend Job, de em ok al in de Ukrain un to de Papst-Inauguratschoon na Rom föhrt hett. Bavento hebbt wi noch twee Poetry-Slam-Geschichten vun Helge Albrecht för Jo - un wi wiest hen op twee plattdüütsche Gottsdeensten: an'n Sünndag, 25.5.2025, namiddags Klock 3 op'e Flussschipperkark - un an'n Sünndag, den 1. Juni 2025, morgens 9.30 in'e Michaelis-Kark in Hamborg-Neegroven, Cuxhavener Straat 323.

Bi "Wi snackt Platt" sünd wi dütmal op de Feltz-Warft op Finkwarder to Besöök, wi gralleert den Schauspeler Peter Heinrich Brix to'n 70. Geboortsdag un dat geiht üm en Verbrekerjagd to'n Mitmaken in'e Hamborger Spiekerstadt. Moderatschoon: Jan Wulf Mehr Infos op un över Platt ünner ndr.de/platt

Bi "Wi snackt Platt" geiht dat dütmal üm de Ohnsorg-Schauspelersch Nele Larsen, de an'n 15.Mai för ehr Rull in dat Plattdüütsche Höörspeel "Altona 1919 - Sülte" mit den Darstellerpries vun den Zonser Höörspeelpries uttekent warrt. Dorto gralleert wi ok noch den Schauspeler, Autor, Musiker un Plattsnacker Jasper Vogt to’n 80. Geboortsdag, wi vertellt Jo en beten wat mehr doröver, wat dat in'e Speeltiet vunaf Enn August allens op’e Bühn vun’t Ohnsorg-Theater to sehn gifft, un wi sünd op de HETI to Besöök: De HETI, dat is en 12 Meter lange Rennseilyacht, boot 1912 hier bi uns in Hamborg, un, kloor, se is düt Wekenenn ok mit dorbi op den Hamborger Havengeboortsdag. Moderatschoon: Jan Wulf

Bi "Wi snackt Platt" hebbt wi ok düsse Week wedder wat to fiern: 100 Johr oolt warrt dat Nedderdüütsche Hörspeel vun'n NDR un Radio Bremen düssen Mai! Wi vertellt Jo mehr, woans dat domals bi de so nöömte NORAG, de Nordische Rundfunk AG, allens losgüng. Denn stellt wi Jo ok noch en ne'et plattdüütsche Arbeitsbook "Paul, Emma un ehr Frünnen" för Grundschölerinnen un Grundschölers vör, dat gifft Musik vun Annie Heger ehr ne'et Album "Deepenklang" to höörn, dat se tohoop mit den Hamborger Musiker Jan Simowitsch opnahmen hett - un dat geiht ok üm de plattdüütsche Klappmuulpopp Werner Momsen un sien Achtermann Detlef Wutschik. Detlef Wutschik weer bi uns NDR 90,3 Podcast "Feel Hamborg" to Besöök un hett mit Daniel Kaiser över sien Leven snackt. Moderatschoon: Jan Wulf

Bi "Wi snackt Platt" hebbt wi dütmal wat to fiern: de grootardige Ohnsorg-Schauspelerin Ursula Hinrichs fiert an’n Sünndag, den 27. April, ehrn 90. Geboorsdag. Wi hebbt Ursula Hinrichs bi ehr tohuus in Bookholt in'e Nordheid (Buchholz in der Nordheide) drapen un mit ehr en beten wat snackt: över de verleden 90. Johr, man ok doröver, woans ehr dat geiht un wat se an ehrn Geboortsdag vör hett. Dorto stellt wi Jo ok noch dat ne’e plattdüütsche Solo-Album vun den Santiano-Frontmann Timsen vör, wi besinnt uns nochmal op de Ohnsorg-Schauspelersch Edda Loges, de an'n 16. April in't Öller vun 82 Johr storven is, un: wi weern mit de 27johrige Hamborgerin Kira Hansen ünnerwegens! Se löppt an’n Sünndag - bi’n Hamborg-Marathon mit. Moderatschoon: Jan Wulf

Für diese Spezialausgabe hat NDR 90,3-Plattdeutsch-Redakteur Jan Wulf die Grand Dame des Ohnsorg-Theaters Ursula Hinrichs zuhause bei sich in Buchholz in der Nordheide besucht. Im Wi snackt Podcast-Spezial spricht sie über ihren 90. Geburtstag und über Ihre Erinnerungen an Ihre grandiose Zeit am Ohnsorg-Theater - op Platt versteiht sik.

„Wi snackt Platt“ besöcht dütmal een vun de velen schönen Hamborger Museen: dat Schoolmuseum op St. Pauli. Mitarbeidersch Agnes Uken stammt ut Oostfreesland un vertellt allerhand över dat, wat een sik in’t Museum ankieken kann. Un wi stellt de Schauspelersch Daniela Wempner vör, de bi Rullenspele mit Schoolklassen un anner Gruppen en „Fräulein Lehrerin“ ut de Kaisertiet speelt. Dat Schoolmuseum köönt Eenzelbesökers maandaags bet fredaags vun Klock teihn bet veer ankieken, Gruppen köönt ok anner Tieden afmaken (mit Rullenspeel). Un geern al mal vörmarken: An’n 31. Oktober (Reformationsdag) gifft dat in’t Schoolmuseum – un in de annern Hamborger Museen – veel Programm, un allens för ümsünst. Mehr infos to't Hamborger Schoolmuseum ünner www.hamburgerschulmuseum.de Moderatschoon: Bernhard Koch

Dütmal sünd wi bi "Wi snackt Platt" in’t Ohnsorg Theater to Besöök. An'n Sünndagavend fiert dor dat Stück „Buddenbrooks – Eine Familiensaga“ na den bekannten Roman vun Thomas Mann Premieer. Wi hebbt mit de künstlersche Leitersch vun’t Ohnsorg Theater Anke Kell un de plattdüütsche Översetterin Cornelia Ehlers över dat Stück snackt. Bavento weern wi ok bi en Proov vun't Stück dorbi un hebbt uns mit de Schauspelers Birte Kretschmer, Oskar Ketelhuth un Marco Reimers över jümehr Rullen ünnerholen. Dat is noch aver lang noch nich allens. Denn bi "Wi snackt Platt" sünd wi dütmal ok noch op en Spargelhoff bi Hollensteed to Besöök un dat geiht üm en Veranstalten in’e Nedderdüütsche Bibliothek an’n Dingsdagavend, wo sik allens üm den Hamborger Dichtersmann Hermann Claudius dreiht. Moderatschoon: Jan Wulf