Abbyr Shen Reesht - Say That Again

Ta tooilley er-nyn-son y cheayrt shoh, lesh meeryn ass 'Traa dy Liooar' as 'Shiaght Laa' ayn neesht. Ayns 'Traa dy Liooar' ta shin clashtyn Juan y Geill lhaih magh paart jeh'n daan, Pargys Caillt. Ta'n ughtar Albinagh, Kenneth Grahame, goll er imraa ayns 'Shiaght Laa', as ta shin smooinaghtyn mychione reddyn bentyn rish shenn raa chreeney. Ta David Fisher lhaih magh daa chabdil y choontey, Marrinys Feeagh Odin, liorish Shorys y Kneale ayns 'Goll as Gaccan', as ta Phil Gawne jeeaghyn er yn lioar, Lessoonyn Toshee 'sy Ghaelg. Ta skeeal ghiare ain liorish Virginia Woolf ayns 'Claare ny Gael', agh cho giare va shen dy vel caa dooin clashtyn three skeealyn falleayssagh neesht, liorish Sheila Elliott, Jenn Linning as Kate Fellowes. There's more for us this time, with extracts from 'Traa dy Liooar' and 'Shiaght Laa' available. In 'Traa dy Liooar' we hear Jack Gell reading out part of the poem, Pargy

Ayns 'Goll as Gaccan' ta daa chabdil elley y skeeal, Marrinys Feeagh Odin, liorish Shorys y Kneale, as ta'n skeeal shoh goll er lhaih er nyn son liorish David Fisher. Lurg shen, ta shin clashtyn Phil Gawne choud's t'eh dyn stiurey trooid ayrn elley yn lioar, Lessoonyn Toshee 'sy Ghailck.   Hooar Amanda Marples aundyr myr ughtar noa son skeeal eck, as ayns 'Claare ny Gael' ta shin clashtyn chyndaays jeh shen 'sy Ghaelg, Fer y Tattoo.   In 'Goll as Gaccan' there are two more chapters of the story, Voyage of the Odin's Raven, by George Kneale, and this story is being read for us by David Fisher. After that, we hear Phil Gawne as he conducts us through another part of the book, First Lessons in Manx.   Amanda Marples received a prize as a new author for her story, and in 'Claare ny Gael' we hear a translation of that into Manx, Tattoo Man.

'Sy chlaare 'Goll as Gaccan' ta meer elley er-nyn-son ass yn choontey liorish Shorys y Kneale, Marrinys Feeagh Odin, as shen goll er lhaih magh ec David Fisher. Lurg shen, ta Phil Gawne dyn stiurey trooid paart jeh'n lioar, Lessoonyn Toshee 'sy Ghailck. Ren Peter James screeu lioar 'sy vlein 2012, Gyn Ve Marroo Dy Liooar, agh cha row agh daa chabdil j'ee er nyn jyndaa 'sy Ghaelg, as shoh ad y cheayrt shoh.  In the programme 'Goll as Gaccan' there's another extract for us from the account by George Kneale, Voyage of the Odin's Raven, and that's being read out by David Fisher. After than, Phil Gawne leads us through another section of the book, First Lessons in Manx. Peter James wrote a book in 2012, Not Dead Enough. There were only two chapters of it translated into Manx, and here they are this time.

Ayns Goll as Gaccan ta Phil Gawne leeideil shin trooid idiomyn as raaghyn elley ass 'Lessoonyn Toshee 'sy Ghaelg'. Eisht ta daa chabdil elley er-nyn-son ass yn choontey scruit ec Shorys y Kneale mychione 'Marrinys Feeagh Odin', as she David Fisher ta lhaih magh shen. Ta shin clashtyn paart dy hennaghys 'sy Ghaelg ayns Claare ny Gael y cheayrt shoh, mychione lhong enmyssit y 'Parkfield'. V'ad gra dy row ee ny lhong smoo stoamagh va rieau troggit 'syn Ellan ec y traa v'ee lhunnit, 8oo Jerrey Geuree 1833. Atreih, shennaghys giare v'ec y lhong shoh, va brisht er Conister moghey 'sy voghrey 3ss Toshiaght Arree y vlein cheddin. Va dy chooilley pheiagh er ny hauail, agh shoh va'n cheayrt s'jerree va'n Reejerey William Hillary ny oltey jeh skimmee baatey sauaillagh Ghoolish. In Goll as Gaccan Phil Gawne conducts us through more idioms and phrases from 'First Lessons in Manx'. Then there are two more chapters for us from

Ayns 'Goll as Gaccan' ta shin clashtyn Phil Gawne goll trooid shiartanse dy raaghyn creeney cochianglt rish yn emshyr as rish shiartanse dy laghyn, roish my vees daa chabdil elley er-nyn-son ass Turrys Feeagh Odin liorish Shorys y Kneale as goll er lhaih liorish David Fisher. Cheayll shin chyndaays 'sy Ghaelg jeh skeeal liorish Simon J Woods ayns 'Claare ny Gael' shiaghtin ny ghaa er dy henney. Ta'n skeeal y cheayrt shoh enmyssit Cooilleeney as t'ee mychione ughtar feer ennoil. In 'Goll as Gaccan' we hear Phil Gawne going through certain pithy sayings connected with the weather and with certain days, before there's another two chapters for uss from The Voyage of Odin's Raven by George Kneale and read by David Fisher. We heard a translation of a story by Simon J Woods in 'Claare ny Gael' some weeks ago. The story this time is called Cooilleeney and it's about a very popular author.

Ayns 'Goll as Gaccan' ta shin clashtyn meer elley ass Turrys Feeagh Odin scruit ec Shorys y Kneale as ta goll er lhaih er nyn son liorish David Fisher. Lurg shen ta Phil Gawne goll trooid drane as eisht t'eh dyn stiurey trooid peesh elley ass Lessoonyn Toshee 'sy Ghailck.  She'n gleashaght #MishNeesht va'n brod son y skeeal ain ayns 'Claare ny Gael'. She Amber Sparks ren screeu skeeal 'sy Vaarle hoshiaght enmyssit S'agglagh ta Ooilley agh Lhiass Dhyt Lhaih y Skeeal Shoh, as ta shin clashtyn chyndaays 'sy Ghaelg j'ee jeant son y chlaare. In 'Goll as Gaccan' we hear another extract from The Voyage of the Odin's Raven written by George Kneale and which is read for us by David Fisher. After that Phil Gawne goes through a rhyme and then he conducts us through another piece out of First Lessons in Manx. It's the #MeToo movement which was the stimulus for our story in 'Claare ny Gael'. It's Amber Sparks who wrote a story in English o

Va caa dooin jingey stiagh 'Shiaght Laa', as ta shin smooinaghtyn er Illiam Dhone y Christeen liorish clashtyn arrane liorish Brian Mac Stoyll, bardoonys liorish Mona Inney Ghoolish as oraid liorish Lewis Crellin goll er lhaih liorish Stewart Bennett. Chammah's lessoon elley liorish Phil Gawne ass lioar Edmund Goodwin, Lessoonyn Toshee 'sy Ghaelg, ayns 'Goll as Gaccan' ta shin clashtyn daa chabdil ass lioar elley, scruit ec Shorys y Kneale mychione Turrys Feeagh Odin, as ta goll er lhaih ec David Fisher. Ayns 'Claare ny Gael' ta vershoon 'sy Ghaelg jeh skeeal scruit ec ughtar ard-ghooagh jeh skeealyn quaagh atchim, H P Lovecraft. Ta'n ee shoh enmyssit Yn Shenn Ghooinney Agglagh. We had the chance to squeeze in 'Shiaght Laa', and we think of Illiam Dhone, William Christian, by hearing a song by Brian Mac Stoyll, a poem of lament by Mona Douglas and an oration by Lewis Crellin being read by Stewart Bennett.  As well as another lesson by Phil Gawne out of

Ayns 'Goll as Gaccan' ta Phil Gawne cur dooin drane ass yn lioar Lessoonyn Toshee 'sy Ghaelg, kuse dy henn raaghyn as shenn chliaghtey, roish my vees eh ginsh dooin skeeal ass yn lioar Skeealaght.  Ta'n skeeal ain ayns 'Claare ny Gael' enmyssit 'Yn Seihll ta Ry-heet', as chyndaays ee jeh skeeal scruit hoshiaght 'sy Vaarle ec Steve Caplin, mychione thie oast as s'neu-chadjin ta'n oasteyr hene as s'neu-chadjin ta ny custymeyryn echey. In 'Goll as Gaccan' Phil Gawne gives us a rhyme from the book First Lessons in Manx, several old sayings and an old custom, before he tells us a story from the book Skeealaght. Our story in 'Claare ny Gael' is called 'Yn Seihll ta Ry-Heet', and it's a translation of a story written originally in English by Steve Caplin, about a bar and mine host himself is rather unusual, and unusual too are his customers.

Ayns 'Goll as Gaccan' ta Phil Gawne lhaih magh er-nyn-son chyndaays t'er ve jeant ec eear studeyr y Vunscoill Ghaelgagh, Sophia Taylor, jeh skeeal ard-ghooagh ennoil liorish Beatrix Potter. Cha nel skeeal ain ayns 'Claare ny Gael' y cheayrt shoh, agh ta shin clashtyn mychione ny bioleyderyn 'goll er yn unnysup', dy gheddyn ny v'ad toilchin 'sy Chegeesh Ommidjagh; ta chyndaays 'sy Ghaelg jeh'n arrane cochianglt rish Shelg yn Dreain; as ta shin jeeaghyn er carval ny Nollick, as ta faaue ayn dy row eh chyndaait 'sy Ghaelg liorish Mona Inney Ghoolish mysh 1960, Tra va ruggit Creest. In 'Goll as Gaccan' Phil Gawne reads out for us a translation that's been made by a former student of the Bunscoill Ghaelgagh, Sophia Taylor, of a well-known, popular story by Beatrix Potter. We don't have a story in 'Claare ny Gael' this time, but we hear about the fiddlers 'going on the unnysup', to get their 'deserving' for the Foolish Fortni

Atreih, cha nel monney er-nyn-son y cheayrt shoh. Cha row 'Jamys Jeheiney' ayn, myr shoh cha row Jamys Kinry cur feyshtyn orrin. Ayns 'Goll as Gaccan' ta Phil Gawne jannoo bit beg ass Lessoonyn Toshee 'sy Ghaelg liorish Edmund Goodwin, as va Simon Clarke as Phil cheet er yn imbagh shoh neesht. Shenn tradishoon y Nollick eh dy vel skeealyn as spyrrydyn as scaanjoonyn ayndaue goll er insh as, ga nagh vel ennym yn ughtar ry gheddyn, ta shin clashtyn lheid y skeeal shen ayns 'Claare ny Gael'. Unfortunately, there's not much for us this time. 'Jamys Jeheiney' wasn't on, so James Harrison wasn't putting any questions to us. In 'Goll as Gaccan' Phil Gawne does a brief extract from First Lessons in Manx by Edmund Goodwin, and Simon Clarke and Phil refer to this season as well. It's an old tradition of the Christmas that stories with spirits and ghosts in them are told and, although the name of the author isn't available, we hear just

Ta daa eysht jeig er-nyn-son reesht ayns 'Jamys Jeheiney', as she Jamys Kinry ta dyn gur, mychione Duillagyn, Coraaghyn, Skeeraghyn as arrane goll er cloie gour e ghrommey. Ta lessoon giare ec Phil Gawne ass Lessoonyn Toshee 'sy Ghaelg liorish Edmund Goodwin mychione marenmyn, ta goll lurg yn ennym son y chooid smoo, er-lhimmey jeh shenn as drogh. Ta shoh ry chlashtyn ayns 'Goll as Gaccan'. Ta chyndaays ain 'sy Ghaelg jeh skeeal scruit ec ben Afro-Americanagh, Kesia Alexandra, ayns 'Claare ny Gael', mychione ben aeg enmyssit Leilani. Ayns 'Traa dy Liooar' ta shin clashtyn Radio Vunscoill 'sy Nollick, as ta shin clashtyn recortys liorish Juan y Geill jeh meer ass Pargys Caillt. There are twelve questions for us again in 'Jamys Jeheiney', and it's James Harrison who poses them, about Leaves, Voices, Parishes and a song being played backwards. Phil Gawne has a short lesson out of First Lessons in Manx by Edmund Goodwin about adjectives, that go after the n

Ta Martha marish Jamys Kinry 'sy teyrlann dy hebbal 'Jamys Jeheiney', as t'ee jannoo dy mie neesht lesh ny feyshtyn currit liorish. Ayns 'Goll as Gaccan' ta Phil Gawne aa-loayrt fockleyn jeh drane cochianglt rish cliaghtey va goll er cummal Shenn Laa'l Catreeney (ta jeeaghyn dy ve'n 6oo Mee ny Nollick rere yn eaillere noa-emshiragh) as ta shin clashtyn Caarjyn Cooidjagh goaill yn arrane. Lurg shen, ta lessoon elley ass Lesoonyn Toshee 'sy Ghaelg ain - as she'n ard-Ghaelg t'ayn neesht. Ta'n skeeal ain ayns 'Claare ny Gael' enmyssit Yn Gioal, as v'ee scruit hoshiaght 'sy Vaarle ec Simon J Wood. Ta shey neenyn aegey y Vunscoill Ghaelgagh goaill arrane er-nyn-son ayns 'Traa dy Liooar', eisht ta shin clashtyn coloayrtys eddyr Juan y Geill as Ned Maddrell, roish dooin clashtyn meer elley ass Pargys Caillt 'sy recortys jeant ec Juan y Geill 'sy vlein 1980. Martha is with James Harrison in the studio to present 'Jamys Jeheiney',

Ta shin goaill toshiaght liorish cur doolane fo nyn inchyn lesh daa eysht jeig reesht ayns 'Jamys Jeheiney' marish Jamys Kinry. Ayns 'Goll as Gaccan' ta Phil Gawne jannoo lessoon ass lioar Edmund Goodwin, Lessoonyn Toshee 'sy Ghaelg, mychione yn art neu-hoilshaghey as yn art soilshaghey, as eisht t'eh ginsh dooin skeeal ghiare liorish Colin y Jerry. She eear ven ynsee Americanagh, Theresa Cecilia Newbill, ren screeu y skeeal ain ayns 'Claare ny Gael', as 'sy chyndaays shoh t'ee enmyssit Cabbil Vaney. Ta shin er jeet gys yn art s'jerree jeant ec Radio Vunscoill 'syn Ouyr, as she paart dy aittys ta shin clashtyn ayns 'Traa dy Liooar', as lurg shen meer elley ass Pargys Caillt, as shen goll er lhaih magh er-nyn-son liorish Juan y Geill. We get going but setting a challenge for our brains with twelve questions again in 'Jamys Jeheiney' with James Harrison. In 'Goll as Gaccan' Phil Gawne gives a lesson from Edmund Goodwin's book, First Le

Ta Jamys Kinry cur doolane foin reesht lesh daa eysht jeig ayns 'Jamys Jeheiney'.  Ayns 'Goll as Gaccan' ta Phil Gawne cur cooidjagh breearyn as pro-enmyn ass lioar Edmund Goodwin, Lessoonyn Toshee 'sy Ghaelg.  Er-yn-oyr nagh vel chyndaays jeh skeeal liorish Sherwood Anderson liauyr dy liooar dy lhieeney 'Claare ny Gael', ta shin clashtyn chyndaays 'sy Ghaelg jeh skeealyn falleayssagh neesht liorish Bruce Gunther, Pamela Kennedy, I M Cameron as Noriko Jayasekera.  Ta art elley jeant ec studeyryn y Vunscoill Ghaelgagh ry chlashtyn ayns 'Traa dy Liooar', chammah's meer elley jeh Pargys Caillt 'sy recortys jeant ec Juan y Geill. James Harrison sets us a challenge again with twelve questions in 'Jamys Jeheiney'. In 'Goll as Gaccan' Phil Gawne is putting together verbs and pronouns from Edmund Goodwin's book, First Lessons in Manx. Because a translation of a story by Sherwood Anderson isn't long enough to fill 'Claare

Dy yannoo caghlaa, ta shin goll ergooyl trooid ny claareyn y cheayrt shoh.  Ayns 'Traa dy Liooar' ta shin clashtyn studeyryn y Vunscoill Ghaelgagh ginsh dooin mychione loayrt 'sy Ghaelg, as meer elley jeh Pargys Caillt 'sy recortys liorish Juan y Geill. Cha row un skeeal ain, agh hoght skeealyn falleayssagh ayns 'Claare ny Gael'. Gyn veg er-lheh 'sy Ghaelg ayns 'Goll as Gaccan', ta shin goll dy jeeragh gys 'Jamys Jeheiney', as ta daa ghoaldagh marish Jamys Kinry 'sy teyrlann y cheayrt shoh.   To make a change, we're going backwards through the programmes this time.  In 'Traa dy Liooar' we hear students of the Bunscoill Ghaelgagh telling us about speaking Manx, and another portion of Paradise Lost in the recording by John Gell. We had not just one story, but eight pieces of flash fiction in 'Claare ny Gael'. With nothing particular in Manx in 'Goll as Gaccan', we go straight to 'Jamys Jeheiney', and there a

Va daa whestion jeig elley er-nyn-son ayns 'Jamys Jeheiney', as Jamys Kinry cur orrin dredjal magh meeryn follit dy dowin ayns nyn inchyn reesht. Ta Phil Gawne jannoo ymmyd jeh Lessoonyn Toshee 'sy Ghaelg liorish Edmund Goodwin (aa-reaghit ec Robert Thomson) ayns 'Goll as Gaccan', agh dy feer, s'goan ta shin er n'ghoaill toshiaght foast. Ta chyndaays jeh skeeal liorish Americanagh, Samuel Barnhart, ayns 'Claare ny Gael', as yn sheiltynys echey jeh fer ynsee tammyltagh goll roish brastyl yn chied cheayrt. Ta'n skeeal shoh enmyssit Dagh Laa Myr Caggey. Ayns 'Traa dy Liooar' ta cloie liorish studeyryn y Vunscoill Ghaelgagh, jeant son Radio Vunscoill, as duillag 10 neesht jeh Pargys Caillt, ta'n paraphrase liorish yn Arrymagh Thomas Christian jeh Paradise Lost, ta goll er lhaih woish Lioar XX y Heshaght Vanninagh liorish Juan y Geill. There were twelve more questions for us in 'Jamys Jeheiney', and James Harrison forcing us to dredge out bits hidden

Ayns 'Jamys Jeheiney' ta daa eysht jeig er-nyn-son, as caa da Jamys Kinry loayrt mychione cooishyn jeh dy chooilley horch.  Gyn veg noa ayns 'Goll as Gaccan', lhig dooin goll er oai beggan, as ta shin clashtyn satire ayns chyndaays 'sy Ghaelg son 'Claare ny Gael' jeh red ennagh scruit hoshiaght 'sy Vaarle ec Americanagh enmyssit Elizabeth Eve - E E - King, Yn Chlaare Choloayrtyssagh.  Ayns 'Traa dy Liooar' ta art mychione cabbil jeant ec studeyryn y Vunscoill Ghaelgagh son Radio Vunscoill, as ny s'anmee ta shin clashtyn meer elley jeh Pargys Caillt 'sy recortys jeant daeed blein er dy henney ec Juan y Geill. In 'Jamys Jeheiney' there are twelve questions for us, and an opportunity for James Harrison to talk about all sorts of topics. Without anything new in 'Goll as Gaccan', let's go forward a bit, and we hear a satire in a translation into Manx for 'Claare ny Gael' of something written originally in English by an Americ

Ayns 'Shiaght Laa' s'jerree y straih shoh, ta Fiona McArdle loayrt mychione Illiam Dhone as y Ven-Eearley Derby, as mychione seshoonyn Bree stiurit ec Culture Vannin. Ta Jamys Kinry cur daa eysht jeig elley orrin ayns 'Jamys Jeheiney'. Ta shin clashtyn fockleyn Robert Mac Homysh ayns 'Goll as Gaccan', as yn imnea echey mychione lhiasaghey Lessoonyn Toshee 'sy Ghaelg liorish Edmund Goodwin. Lurg shen ta Phil Gawne as Simon Clarke goaill ayrn ayns lessoon. Ta'n skeeal scaanjoonagh ain ayns 'Claare ny Gael' liorish Americanagh ta gobbraghey da Olloo-Scoill Ghlascoe, Alexandra Grunberg, as t'ee enmyssit Ta Cuirrey Creeoil Erriu. As fy yerrey ta meer elley jeh Pargys Caillt ry chlashtyn ayns 'Traa dy Liooar', as ta'n meer shen goll er lhaih magh er-nyn-son liorish Juan y Geill. In the final 'Shiaght Laa' of this series, Fiona McArdle talks about Illiam Dhone and the Countess of Derby, and about Bree sessions run by Culture Vannin. James Harrison

Ayns 'Shiaght Laa' ta shin jeeaghyn er y haiku, er saase noa jeant ec Culture Vannin dy chooney lesh kiaulleyderyn jannoo aarloo son seshoonyn as cloie son daunseyn, as ta shin goll gys Keeill Luke, as Laa Noo Luke goll er feaillaghey 18oo Jerrey Fouyir.  Ta daa eysht jeig er-nyn-son reesht ayns 'Jamys Jeheiney', as Jamys Kinry reaghey kiare rheynnyn : three questionyn mychione turtleyn/tortoiseyn ; three mychione Jeff/Gef : three er Maidjyn ; as three mychione Assylyn. Ta paitchyn y Vunscoill Ghaelgagh jannoo veeryn son Radio Vunscoill. Ta fer jeu ry chlashtyn ayns 'Goll as Gaccan', roish my vees Phil Gawne ginsh dooin skeeal ghiare elley liorish Colin y Jerry ass 'Skeealaght'. T'ee enmyssit 'Riftanyn Phurt ny Hinshey'. Trooid marranys, ta shin er chlashtyn y chiarroo ayrn jeh'n skeeal, 'Scapail!' ayns 'Claare ny Gael', agh gyn clashtyn rieau y trass ayrn. Y cheayrt shoh ta shin clashtyn y trass ayrn shen fy yerrey hoal. Chyndaays eh jeh

Ta Maralyn Crellin chebbal 'Shiaght Laa' lesh fys mychione Undinys Eiraght Vannin, myr v'eh, as mychione Undinys Reeoil ny Baatyn Sauaillagh neesht, as ta red ennagh neesht mychione Culture Vannin as ny seshoonyn Bree. Ayns 'Jamys Jeheiney', ta Jamys Kinry cur daa eysht jeig reesht - lesh cubbyl dy reddyn dy yannoo ad eer ny s'doillee. Cha nel veg ass 'Goll as Gaccan' ayns shoh, myr shoh ta shin goll er oai gys 'Claare ny Gael', lesh y chiarroo ayrn, yn ayrn s'jerree, jeh chyndaays jeh skeeal enmyssit Scapail! liorish Americanagh, Mike Scofield. As fy yerrey, ta Juan y Geill lhaih magh duillag shey jeh'n paraphrase jeh Pargys Caillt myr v'eh prentit ayns Lioar XX y Heshaght Vanninagh 'sy vlein 1872. Maralyn Crellin presents 'Shiaght Laa' with information about the Manx Heritage Foundation, as it was, and also about the Royal National Lifeboat Institution, and there's also something about Culture Vannin and the Bree sessions. In 'Jamys Je