Ndr 90,3 - Wi Snackt Platt

Bi "Wi snackt" Platt maakt wi dütmal en lütte Pingsttour to de Windmöhl "Johanna" in Willemsborg. Se is een vun ganz vele Möhlen in Düütschland, de bi den "Düütschen Möhlendag" mit dorbi sünd un an'n Pingstmaandag jümehr Doren apen maakt. Wi hebbt uns de Möhl al vöraf mal ankeken un vertellt Jo, wat dat bi dat grote Möhlenfest, dat de Windmöhl "Johanna" an Pingstmaandag fiert, to beleven gifft. Denn geiht dat ok noch üm en ne'et interaktivet NDR-Hörspeel för Kinner un junge Lüüd, dat jüst rutkamen is. Wi weern dorbi as de Kinner, de dor as Spreker mit dorbi weern, sik dat eerste Mal "Dat Aventüer in de Ünnerwelt" anhöört hebbt. Bavento sünd wi ok noch mit den Kunsthistoriker Hans-Thomas Carstensen in'e Hamborger Kunsthall ünnerwegens - un wi hebbt blangen en poor plattdüütsche Snacks to Pingsten ok noch Tipps för plattdüütsche Pingstgottsdeensten för Jo: "Robinson Crusoe un sien Fründ Freedag" is dat Thema vun Paster Uwe Michelsen bi den Gottsdeenst an'n Pingstsünndag op de Flussschipperkark in'n Hamborger Ha

Dütmal sünd wi bi "Wi snackt Platt" in’t Filmmuseum in Bennstörp rp to Besöök, dorto geiht dat ok noch üm dat ne’e Album “Bongsiel” vun’e Band Aalkreik - un wi snackt mit den Hamborger Brandschuulbeopdragten Uli Weinert doröver, wat een doon kann, wenn dat tohuus mal brennen deit.Moderatschoon: Jan Wulf

Dütmal sünd wi bi "Wi snackt Platt" in’t Rieck Huus in’e Verlannen to Besöök, dorto maakt wi ok noch en lütten Utfloog in’n Fröhlingswohld un stellt Jo den Förster Lennart Hatesohl vör - un dat geiht üm en ne’e plattdüütsche Rechtschrievpröven vun de SASS-Redakschoon, de Ji Jo op Joon Rekner installeern köönt.

Hochdeutsche Zusammenfassung des Kommentars:„Deutschstunde – Bilder in Flammen" ist eine Inszenierung, die zu Herzen geht – dank einer starken Geschichte und wunderbarer Schauspielerinnen und Schauspieler, die alles aus sich herausholen. Und doch bleibt ein Wermutstropfen: Der größte Teil des Stücks wird nicht auf Platt erzählt, sondern auf Hochdeutsch – so, wie Siegfried Lenz es aufgeschrieben hat. Auf Plattdeutsch sind nur die Dialoge, und auch die nicht komplett. Das wirft eine alte, unbequeme Frage neu auf: Wie viel Hochdeutsch verträgt das plattdeutsche Theater auf der großen Ohnsorg-Bühne? Für mich ist: so viel nicht! Wäre es nicht gerade die Aufgabe des Ohnsorg gewesen, zu zeigen, dass auch die wunderbare Sprache von Siegfried Lenz auf Platt funktioniert? Peter Nissen, der große Meister-Übersetzer und „Plattpapst", der kurz nach der Premiere am Ostermontag gestorben ist und für den „Deutschstunde" sein letztes übersetztes Theaterstück war – er hätte es sicher hinbekommen. Wer, wenn nicht er! Die komple

Dütmal kiekt wi bi "Wi snackt Platt" op Finkwarder vörbi! Heel Finkwarder weer op de Been, üm tohoop to singen un de Dööp vun den Finkwarder Kutter HF 575 to fiern. Wi weern dorbi. Denn geiht dat ok noch üm dat ne’e Ohnsorg-Stück “Deutschstunde - Biller in’n Flammen” na den bekannten Roman “Deutschstunde” vun Siegfried Lenz - een Stück mit ganz veel Deepgang, dat to Harten geiht. Man dor is ok noch de anner Siet vun düsse Inszeneern: denn so veel Hoochdüütsch weer woll noch nich to beleven bi en normal Speeltiet-Stück op de grote Bühn vun't Ohnsorg. Bi "Wi snackt Platt" vertellt wi Jo mehr över dat Stück - un wi stellt mal wedder de Fraag: woveel Hoochdüütsch dörv ween in't plattdüütsche Theater. Dorto freit wi uns ok op Text- oder Spraaknarichten vun Jo: över uns NDR Hamborg-App, per Email an 903platt@ndr.de oder via Telefon ünner 0800 903 903. Kössen deit de Anroop för Jo nix.

In düsse Utgaav vun "Wi snackt Platt" nimmt uns Sönke Albertsen mit op en exklusiven Törn dör dat Millerndoor-Stadion vun'n FC St. Pauli. Wi sünd in't Vereens-Museum to Besöök, kiekt uns den Oort an, woneem de Dopingkontrullen maakt warrt - un dat geiht rin in'e Spelerkabien mit den övermannsgroten Dodenkopp an de Wand. Dorto smiet wi ok noch en Blick in de Separées, de Firmen anmeden un ganz na ehrn egen Stil ümboen köönt - un wi verraadt Jo dat Geheemnis, woso de Gegners vun'n FC St. Pauli sik lever warme Ünnerbüxen antrecken schullen, wenn se an't Millerntor speelen doot.

Dütmal sünd wi op den Hamborger Plattdüütsch Dag 2026 ünnerwegens, kiekt op de NDR 90,3 Optakt-Gala in'e JazzHall Hamborg torüch un wi snackt mit de Winnerinnen un Winners vun Hartmut-Cyriacks för plattdüütsche Översettens un junge Lüüd.