Hitza Jolas

Andoainen, Asteasun, Santutxun eta Azkoitian ibiliko gara; Tourra hasi aurreko eta San Juan sua piztu aurreko saioetako bertsoaldiak ditugu, gogoeta ezberdinak sortaraziko dizkigutena. Bestalde, adinekoen egoitzetan gauzatzen den Adin-adin programa ezagutu dugu, Azkoitiako egoitzako monitore baten bitartez. Gure bederatzikoa berriz, Boisetik bertatik jaso dugu. Entzun nahi al duzu? ...

1993ko Tourra hasi bezperan, Asteasuko plazan izandako saio bateko bertsoaldia ekarri nahi izan dugu, baita 1995eko San Joanetan Legazpiko Telleriarten egindakoa ere. Eider Perez azken bost urteetan Hitzetik Hortzerako aurkezle izan denarekin solasean aritu gara eta 5 urteko ibilbidea poesia batekin laburbildu nahi izan du. Zarauzko Emakumeen Etxeko bertsoaldi batzuk ere ekarri dizkizuegu. Bederatzikoa Gorrititik nora joango ote zaigu orain? Entzun!...

Euskal Herrian, bata bestearen atzetik iritsiko da herri eta auzoetako jaien txanda. Guk ibilbideari Anoetan eta Hernaniko Ereñotzu auzoan ekin diogu. Bateko eta besteko bertsoaldiak hautatu ditugu; beroa, bertso-saioaren lekua, kuadrilako kontuak eta atzerrikoak ere jasoko ditugu, gaurkotasunari begiratu eta hauteskundeak hizpide hartuta. Bederatzikoak ere jauzika jarraitzen du. Erronkaritik Lazkaora iritsi zen eta orain, jakin nahi al duzu nora bidali duten?...

Gipuzkoako Goierrin, Itsasondo herrian ekainaren 9an izandako bertso saioko aleak eta Muxikan, herriko jaiak zirela eta egin zen bertso saiokoak ere hartu ditugu. Batean zein bestean, nabari da uda sasoia ate-joka dugula. Gure bederatzikoa ere puntarik punta dabil. Ba al dakizu Erronkaritik nora bideratu duten?...

"Oinak buruan" goiburupean, Iparraldeko eta Bizkaiko eskolarteko txapelketetako finaleko bertsoaldiak hartu ditugu saio honetan. Behin lurraldeetako final guztiak amaituta, Iurretan jokatutako Euskal Herriko eskolarteko finaleko bertsoaldien hautaketa bat ere entzun zenezake. Gure bederatzikoa berriz, Erronkarira iritsi dela ere sumatuko duzu. Entzun!...

Oñatin jokatu zen Hirugarren Señora sariko finala. Bi kanporaketetan txartela lortutako sei bertsolari aritu ziren finalean kantari. Gaurkotasun beteko gaiak, umore kutsukoak, binaka edo modu kolaboratiboan egindakoak, denetarik izan zen Oñatin. Baita bertso-jarriak ere. Hautatutako bertsoaldi horiez gain, gure bederatzikoari ere tartetxoa egingo diogu. Jakin nahi al duzu nondik nora egin duen? ...

Bertso-gose denari erantzuteko moduko menua prestatu dugu saio honetan: Iruñeako Iturrama institutuan hiru bertsolarik eskainitako saioa, eta Leitzan jokatutako Mingaine Saltsan bigarren edizioko finaleko bertsoaldiak. Postre gisara, gure bederatzikoa ere izan zenezakete. Bertsoen eltzea bor-borka dugu. Ia bada gustuko menua prestatu dizuegun. ...

Lasarten udaberriko bertso saioa "Tradizioari traizio" izenez osatu zuten hitz jokoa gogoetarako baliatuz. Erratzuko elkartean berriz, 3. Señora sariketako bigarren kanporaketa jokatu zen, ohi bezala umore kutsu handiz eta aldarrikeapenak uzatartuz. Bi saioetako bertsoaldiak hartu ditugu. Gure bederatzikoak ere ez du hutsik egin; jakin nahi al duzu zer erantzun dion Ane Zuazubiskarrek Iñaki Muruaren puntuari? ...

Bilboko Biran izan zen Señora sariketaren hirugarren edizioko lehen kanporaketa, ohiko umore kutsu, aldarrikapen eta alaitasunez. Nafarroako Eskolarteko finaleko aleak ere ekarri nahi izan ditugu. Ikasle giroan murgildutako bertsoaldi musikatu bat ere erantsi nahi izan dugu. Gure bederatzikoak ere ez du etenik. Jakin nahi al duzu Iñaki Muruak nori luzatu dion puntua? ...

Orain arte Zapidun izandako lau bertsolariak batu zituzten Zaldibian. Saio hartako bertsoaldiez gain, Zornotzan, Durangaldea uztabarritzen ekimenak antolatutako bertso saio tematikoko aleak ere hautatu ditugu: literatura eta idazleak izan zituzte abiapuntu. Ez dugu ahaztu noski gure bederatzikoa. Jakin nahi al duzu Xebastian Lizasok nola erantzun dion Olatz Arrietaren puntuari? ...

Lasturren, 2023ko apirilaren 21ean jokatu zen Gipuzkoako Eskolarteko finala. June Aiestaran izan zen txapelduna. Martxo amaieran, Biriatuko ikastolaren alde, eliza bete jende egin zen bertso saiotik ere hautatu ditugu bertsoaldi batzuk. Añorga aldean zebilen bederatzikoa berriz, ba al dakizu nora joan zaigun?...

Osinalde Sariketaren 51garren edizioa jokatu berri da Gabirian. Oihana Arana, Irati Alcantarilla, Lander Arizmendi, Unai Izagirre, Xabat Illarregi eta Aner Peritz aritu ziren kantuan, afal-osteko formatuan eta elkartea bete jende zela. Ordizian, Zaldibian eta Gabiriako Aztiri auzoan jokatutako kanporaketetan lortu zituzten finalerako txartelak. Alcantarilla izan zen garaile eta bertsorik onenaren eta bigarrenaren saria Aner Peritzentzat izan ziren. Bertsoaldiak eta bertsolarien adierazpenak ere jaso ditugu, Gure bederatzikoa, Erratz bertso eskolakoen artean da. Nora joango ote da orain? ...

Alde batetik, Mendaron, martxoaren 17an izandako bertso saioko aleak hartu ditugu; mendi eta kirol kutsuko bertsoaldiak tartean. Eta bestetik, Legorretan, martxoaren 19an Izan Itturi kolektiboaren eskutik antolatutako "Tabuen kutxatik oholtzara" izeneko bertso saio musikatu eta solidarioan kantatutakoak ere ekarri ditugu; lekukotza ezberdinak izan zituzten bertsotarako abiapuntu. Gure bederatzikoa ba al dakizu nondik nora dabilen? Entzun nahi baduzu, geratu gurekin....

Usurbilgo Emakumeen Etxearen irekiera zela eta, Usurbilgo parekidetasun sailak antolatutako bertso-bazkariko bertsoaldiak eta Diman Andraizea taldeak antolatuta "Ez da kasualitatea" formatuan izandako bertso-saio musikatuko aleak berreskuratu ditugu gaurko saiorako. batetik bestera ibiliko gara, gure bederatzikoa bezala. Ba al dakizu nondik nora ote dabilen?...

Senperen, Larreko gelan batu zituzten 2022ko Bertsolari Txapelketa nagusiko finalistak. Aurtengo Herri urrats, maiatzaren 14an izango da "urratsak zubi" goiburupean eta hori dela eta antolatu zuten bertso saioa. Elorrion berriz, UNRWA gobernuz kanpoko erakundeak antolatutako bertso saio izan zen, Emakume palestinarren errealitateari erreparatzeko. Onintza Enbeita, Nerea Ibarzabal eta Iruri Altzerreka aritu ziren kantuan. Gure bederatzikoa ere badugu. Entzun nahi al duzu? ...

Zientzia izan zuen ardatz Laudioko Aiaraldea Ekintzen Faktorian egindako Bertsozientzia ekimenak. "Jakinduriak mundue erreko dau" izenburupean antolatu zuten saioan, zientzia eta bertsoa uztartu zituzten; guk hango bertsoaldiak ekarri dizkizuegu. Baita Etxarri Aranatzen, Otsail hasieran egindako urteroko bertso saiokoak ere. Gure bederatzikoak ere ez du hutsik egingo. Entzun nahi al duzu? ...

Otsail hasieran, Nafarroako Antzerki eskolan Bertsoaroa dela eta izan zen bertso saiotik egin dugu aukeraketa. Saio horren biharamunean, Baionako Biltxokon izandakotik ere ekarri dizkizuegu ale batzuk. Batetik besterako bidea, "Harizko zubiak" Jon Sarasuaren liburuaren konpainian egin genezake... Gure bederatzikoa ere ez dugu ahaztu! ...

Pasai Donibaneko Juanba Berasategi aretoan, Santa Ageda bezperan egindako bertso-saioko bertsoaldiak berreskuratu ditugu. Kopla-kantari eta makilarekin lurra esnatuz aritzeaz gain, Añorgan bezperan egindako saioko bertsoaldi batzuk ere hautatu ditugu. Ea bada, umorearen berotasunarekin denbora-tarte atsegin bat pasatzeko adina osatzen dugun. gure bederatzikoa ere Donostia aldean dabil. Nora joango ote da orain?...

Futbolaren eraginak emango digu bertsotarako gaia. Euskalduna futbol taldearen mendeurrena dela eta bertso derbia antolatu zuten, lehen pausuak gogoratuz. Urte batzuetan aurrera eginda, 1958an, Parisen egingo dugu beste geldialdia; Xalbador, Mattin, Uztapide eta Basarri entzungo ditugu kantuan; Frantziako webgune batean entzungai jarri dituzten audioak dira eta tesi baterako bidea ere eman dutel akontatuko dizuegu. 1994ko Lekeitioko inauterietako bertsoaldi bat edota Azpeitiako bertso-egunean Zulo-Zabal Elkartean entzundakoak ere batu ditugu gure bederatzikoarekin batera....

Urtarrilaren 28an Azpeitian ospatu zen 2023ko bertso eguna. Goizetik hasita, bertso-poteoaren formatua berreskuratu zuten eta ondoren, bost elkartetan egin ziztuzten bertso-bazkari antolatuak. Batzuetan saio librean, besteetan gaiak jarrita edota saio musikariak ere izan ziren. Denetariko bertsoaldiak, denetariko zaleentzat. Gaur, horietan entzundako hainbat ale berreskuratu ditugu. Ia bertso-bazkaria bezain atsegin egiten zaizuen, gaurko bazkal-ostea. ...