Sbs Hakha Chin - Sbs Hakha Chin

Kan kaa hi thianghlim tein kan chiah a herh. Kan kaa le kan haa tha tein kan zohkhenh lo kan daihthlanh sual i zawtnak pakhatkhat a chuah sual ahcun kan pum caah ral a si kho.

Australia ram a rak tla hmasa cem mi miphun, Aboriginal le Torres Strait Islander minung hna caah phunghrampi thlen dingin thimfung thlak a si lai. Phunghram thlennak kong ka chim mi rak ngai hna usih.

Australia le New Zealand ram hnih komh in nu pumpalulh chuih zuamnak (World Cup) an tuah cuahmah lio a si. Nu pumpalulh chuih zuamnak ah Australia nih Canada cu fak ngaingai in an tei hna i Australia cu zuamnak ah pehzulh in a celh rih lai.

Miphun dang hawi rak ngeih hi pumpak kan thanchonak a bawmtu pakhat a si ve. Nunphung le nunning a khat lo mi kan hawi cu kan thil hmuhning le ruahning an ruat ve ti lo i an sin in fimnak kan i chap kho. Sile tam deuh in rak ngai hna usih.

Mi tampi nih chizawh zuat hi an duh ngai, nain Australia ah chizawh zuatnak he a pehtlaimi phung le upadi hna kha an thei tawn lo. Chizawh a zua mi hna nih an tuah awk a si mi tuanvo ka chim mi rak ngai ve.

Sandy Lian le SBS Hakha Chin Radio biaruahnak kan ngei kho. Sandy Lian cu Australia Awards nih an tawlrel mi Scholarship a hmuh caah Australia ah sianginn a rak kai. Scholarship soknak ding caah a herh mi pawl zong biaruahnak chungah a chim.

Australia is one of the most popular study-abroad destinations. It’s also currently one of the hardest places to find rental accommodation. More than ever, it’s important to understand the housing options that cater exclusively to the needs of students. - Australia cu ramleng sianghngakchia nih fim cawnnak ah an rak fuhpanh ngaingai mi ram pakhat a si. Amah belte, inn hlan ding hmuh a har taktak nak ram zong a si fawn. Cu tikah, ramleng sianghngakchia nih an caah zei bantuk umnak inn pawl dah hlan khawh an si timi an I fian a herh.

Sandy Lian cu Australia Awards nih an tawlrelmi scholarship in Australia ah sianghleirun a rak kai mi a si. Kan biaruahnak chungah "ka ruahnak he a rak i dang ngai....ka ton mi mino tam deuh kha sianginn an kai ti lo" tiin a chim. Tam deuh in kan biaruahnak rak ngai ve.

Tukum a dongh lei ah ram mi sinak a ngei mi chungin kum 18 a tlin cang mi poah thimfung an thlak a hau lai. Atu tan thimfung an thlak ding mi cu Australia rammi hmasa hna miphun caah phunghrampi thlen ding le thlen lo ding kong a si. A biapi ngai mi a si caah ka chimmi rak ngai ve.

Chin mino nih dirhmi ringawn phu ' The Seventh Band' cu The Boite nih an tawlrelmi Music Festival ah sawm ve an si. The Boite hi miphun dang ringawn lei ah a cawisangtu le a dirkamhtu an si. Kan biaruahnak rak ngai ve.

NAIDOC cu a sau nakin National Aboriginal and Islander Day Observance Committee ti a si. Australia ram a rak hlum hmasa bik mi hna minung: Aboriginal le Torres Strait Islander hna tuanbia he a pehtlaimi a si.

Rian, fim cawnnak, nun sining, inn chungkhar le mibu izohkhennak a that deuh ruangah khuate lei a thial mi hi an karh chin duahmah. Khuate lei i thialnak ding caah zeidah a herh mi an si?

Inn hlangtu sin in hmuhmi tangka nih inn leiba chamnak le thil dangdang liam ding mi a rulh lo ahcun inn ngeitu nih a bet chap. Inn ngeitu nih a bet chap mi kha ngunkhuai khirhnak tuah tikah hmuh than khawh a si.

Australia ram in hmundang le ramdang ah khual tlawn a tim mi nih raikhamsii an i chunh ah tha. Rai le zawtnak tha lo chungin an him nak ding caah raikhamsii an I chunh a herh tiin thiamsang hna nih an chim.

Australia ah cun cozah sianginn lawng siloin pumpak le biaknak lei nih an dirhmi sianginn hna an um. Duh i thim awk a tam ngaingai tikah khoika sianginn silole zei bantuk sianginn ah dah ka fa hi ka chiah lai ti ruah hi nulepa caah a biapi ngai mi a si.

Atu lio cu inn a lawng mi a tlawm tikah inn hlan ding hmuh a har ngaingai. Inn hlan tikah an bawmtu ding thil kong ka chim mi rak ngai ve.

Australia ramchungah pasal le sinin en tainak le thlanglamhnak a tongmi hi nu paruk ah pakhat an si cun nupi le sinin en tainak le thlanglamhnak a tong ve pa hi pariat lakah pakhat an si ve.

Chungkhar naihniam chungin mi pakhat fak ngaiin a khawnden, a chuahpi mi ruangah zohkhenh a hau silole dam lonak ruangah zohkhenh a hau mi hna a zohkhentu hna caah bawmhnak a um.

Innpa chakthlang he i rem lo cu a har tuk caah innpa chakthlang kar buainak a chuahter thil a um tikah kan tuah ding mi kan hngalh khawh nak hnga ka chim mi rak ngai ve.

Nupa sinak lei he i pehtlaiin ti hramnak le tuaitamnak ka tong tiin palik sinah theihternak an tuah mi hi nikhat chung te lawngah abuaktlak in voi 85 tluk a si.